Այսօր ես անում եմ իմ քայլը,
Ես անում եմ իմ քայլը այսօր,
Սա հույսի առկայծող ճանապարհ է,
Սա գրվող պատմություն է մի նոր։
Այո, ես պարտվել եմ քանիցս,
Եւ տեսել քմծիծաղը ստի,
Բայց իմ կամքը ամուր է քարից էլ,
Իմ ոգին հանձնվել չգիտի։
Երբ տեսնում եմ երկրիս տառապանքը,
Ստահոդ ճառողի փառքը սին,
Համոզվում եմ կրկին, որ իմ ջանքն է
Փակուղին ճեղքելու բանալին։
Նոր շունչ եմ ուզում ու նոր կյանք,
Հին երկրիս համար հուսահատ,
Եւ դարձնել պիտ նրան կարենանք՝
Երջանիկ, ու Հզոր, ու Ազատ։
Արդ ելել եմ, գտել եմ ժպիտս,
Եվ ձեռքերս բաց՝ պարզել վեր,
Որ լույսի մարտնչող ասպետի պես,
Կերտեմ ցնծության ժամը մեր։
Եւ մենակ չե՛մ, մենակ չե՛մ, մենակ չե՜մ։
Քայլում են, քայլում են, քայլու՜մ,
Ու մեր մեկտեղվող աչքերի մեջ,
Հույսի արեգակ է փայլում։
Այսօր մենք անում ենք մեր քայլը,
Մենք անում ենք մեր քայլը այսօր,
Սա պատվով քաղցրացած ճանապարհ է,
Սա ծնվող հաղթանակ է մի նոր։
Նիկոլ Փաշինյան - (Նվիրվում է 2018թ․ ապրիլին)
Микаел Минасян освобожден, но ему предъявлено обвинение после инцидента в церкви Святой АнныПартия «Сильная Армения» сформировала альянс с двумя политическими силамиТрамп проигрывает войну против Ирана, несмотря на победы в битвах: Foreign PolicyApple готовит революцию: складной iPhone станет крупнейшим обновлением в историиЦены на газ в Европе взлетели на 70% на фоне эскалации конфликта на Ближнем ВостокеПремьер-министр Пашинян отправится в Россию для встречи с президентом Путиным