ՄՈԽԻՐ ԴԱՐՁԱԾ - Մարիետա Ջրաղացպանյանն իր երեք անչափահաս երեխաների հետ ապրում է Գեղարքունիքի մարզի Ծովինար գյուղում: 2012 թվականին 65 տարեկան հասակում մահանում է տիկին Մարիետայի ամուսինն, ու ընտանիքն ընկնում է փորձություների նոր շղթայի մեջ: Մեկ տարի անց հոսանքի լարերից բռնկված հրդեհից վառվում են նրանց տան երկու սենյակները: Իսկ հրդեհի մարման հետևանքով մնացած չորս սենյակները դառնում են խոնավ ու խարխլված: 17 տարեկան Անուշը, 13 տարեկան Աղունիկն ու 8 տարեկան Էդիկն իրենց երազանքներն ունեն, բայց, ցավոք, ոչ հավատ, որ մի օր այդ երազանքներն իրականություն կդառնան: