ԱՂԱՂԱԿՈՂ ԼՌՈՒԹՅՈՒՆ - Տարիներ առաջ 39-ամյա Մանուշ Բաղմանյանի, այսօր արդեն, նախկին ամուսինը՝ Միքայել Հայրապետյանը, երեք ամսական հղիություն ունեցող իր կնոջը հյուր տարավ հայրական տուն և այլևս երբեք չցանկացավ որևէ կապ ունենալ ոչ կնոջ, ոչ երեխայի հետ: Այսօր, այս իրադարձությունից միայն 16 տարի անց, տիկին Մանուշը հասկացել է, որ կարող է և իրավունք ունի պահանջներ ներկայացնել իր որդու չկայացած հորն ու նրա ընտանիքին: Նա ցանկանում է, որ որդու՝ Տարոնի հայրը ճանաչի իր տղային և կատարի իր ծնողական պարտականությունները: Տարիներ առաջ թեև ամուսնու ընտանքիը ցանկացել է տեսնել տղային, սակայն մայրը կտրականապես դեմ է եղել: Այսօր այսքան տարի անց Մանուշը պնդում է, որ որդին չի ցանկանում ճանաչել այն հորը, որ 16 տարի լքել է նրան: