ԱԿՆՀԱՅՏԸ՝ ԱՆՀԱՅՏ - Առաջին բանը, որը զգում ես Հրազդան քաղաքի այս բնակարանից ներս մտնելիս, սարսռեցնող ցուրտն է: Այստեղ է ապրում 36-ամյա Շուշանիկ Ալեքսանյանը: Ամուսնուց բաժանվելու որոշումը նա ինքնուրույն է կայացրել: Շուշանի 3 երեխաները՝ Գրետան, Նելսոնն ու Էրիկը, այստեղ լինում են հյուրի կարգավիճակով: Այդ օրերին ցրտից չմրսելու ու չհիվանդանալու համար երեխաները տանը բաճկոններով են լինում: Արդեն 11 տարի Շուշանիկը չունի հիմնական հասցե: Նրան կարելի է տեսնել տարբեր քաղաքներում՝ տարբեր գործատուների մոտ աշխատելիս ու ապրելիս: Շուշանիկն անձնական կյանքը դասավորեու մասին այսօր չի մտածում: Դեռ երիտասարդ այս կնոջ միակ մտահոգությունը դարձել է զավակների ապագան: Այժմ գործազուրկ տիկին Շուշանիկը միակ ցանկությունն աշխատանք գտնելն է: