Սպասվում է Windows 9-ի թողարկումը Threshold կոդային անվանմամբ: Թողարկումը կլինի 2015 թվականին,իսկ անոնսը BUILD 2014-ի ժամանակ (ապրիլ) : Տարբեր աղբյուրների փոխանցմամբ նա կստանա բոլորովին նոր դիզայն,ինչին ես առանձնապես չեմ հավատում: Նա կմիավորի ընկերության բոլոր արտադրանքները: Կվերադառնա «Մեկնարկ/Пуск» կոճակը և օգտագործողի ինտերֆեյսը: Microsoft ընկերությունը երկրորդ անգամ սխալվելու իրավունք չունի, Windows 9-ը ևս մեկ հնարավորություն կտա ընկերությանը:
Stifel Nicolaus ծառայության հետազոտողը կարծում է,որ նոր օպերացիոն համակարգը անպայման կլինի անվճար: Windows 8-ի վաճառքի ձախողումից հետո սա կլինի ընկերության միակ փրկությունը: Հիմնական գումարը ընկերությունը կստանա Bing,Office և Store ծառայություններից:
Microsoft-ի նման որոշումը կփոխի ամեն ինչ այս հարթակում: Ընկերության դիրքերը օպերացիոն համակարգերի շուկայում բավականին կբարելավվեն: Բոլոր դեպքերում ընկերությունը պետք է հաշվարկի քայլի լավ և վատ կողմերը,ետ վերադառնալու շանս այլևս չի լինի: