Պատուհանից
Դուրս նայելով
Ու ծխելով,
Գնացք կողվող,
Ծխամորճը,
Ես տեսնում եմ
Այն հատվածը,
Որտեղ թաքուն,
Առանց ձայնի,
Իր գնդակով
Խաղ է անում
Պատմությունը...
Ու առանց վերջ...
Գնացքի մեջ,
Նորածնի պես
Օրորվելով,
Չխկչխկացող
Խաղալիքը
Ձեռքս բռնած,
Ես ստիպում եմ
Իմ աչքերին
Արագորեն
Բացվել-փակվել...
Ֆոտոի պես...
Երկաթուղու
Զուգահեռվող,
Հավերժություն
Տեղափոխող
Գծերի հետ,
Ես շարժվում եմ
Տարեց տարի
Իմ գնացքի
Պատուհանի
Կողքը նստած...
Հետզհետե,
Առանց դավի,
Ֆոտոները
Փակցնում եմ
Պատուհանին,
Մեկիկ մեկիկ,
Իրար կողքի,
Շարասյունով,
Հետո հաջորդ
Շարքն եմ սկսում,
Եվ միշտ
Նորից,
Մի մատ
Խորքից,
Լուսանցքի տեղ
Միշտ թողնելով
Պատուհանին...
Ու ծխացող
Օրորոցում
Ես զգում եմ
Մորս կողմից,
Ինձ քնացնող,
Պատկերները
Պազլի նման
Իրար խառնող
Թխկթխկոցը...
Պատուհանից
Դուրս նայելով
Ես տեսնում եմ
Օրորոցը...
Իմ ճվոցը...
Ու ծխելով
Միշտ արգելված
Ծխամորճը,
Հավաքում եմ
Մորս խառնած
Պազլիկները
Պատուհանի
Այն հատվածում,
Որտեղ հանգիստ
Խաղ էր անում
Պատմությունը...
Իմ ապագան
Անցյալում է
Միավորված
Այս գնացքի,
Բացվող-փակվող,
Պատուհանին...
Ես ուզում ...

[Продолжается]

Ամեն անգամ
Մայրս հանգիստ
Վերցնում է
Իմ ապագան
Իր արթուկով
Ու առանց ձայն
Միավորում
Թաշկինակիս…
Սովետական
Տպերի պես,
Որ փակցնում են
Շորի վրա
Տաքացնելով…
Ու շնչելով
Ամեն անգամ
Իմ մայրիկի
Առավոտվա,
Հին արթուկով,
Իրագործած,
Թաշկինակիս
Մոլեկուլյար
Կառուցվացքի մեջ
Կատարած,
Թափանցումը
Վերոհիշյալ
Ու դնելով
Թաշկինակս
Գրպանիս մեջ,
Գնում եմ
Դուրս…
Ու գրպանում
Ապագայի
Հայտնվելով,
Տրորելով,
Մանկան նման,
Իմ աչքերը
Կարմրեցված,
Ես բացում եմ
Թաշկինակս
Սովորական
Ու փակվում եմ
Նրա միջին,
Ծրարի պես
Անպատասխան,
Որպես պատյան…
Ու միգուցե
Ես ուղարկվոմ
Ուգանդայի
Մի նոր շրջան
Այնտեղի
Կույս,
Չտրորված
Հողի վրա
Ոտնահետքեր
Բազմացնելու…
Կամ էլ, թե չե
Վերադառցվեմ
Նույն հասցեյով,
Թաշկինակի
Չլրացված
Ուղվածության
Կապակցությամբ…
Բայց և անյպես,
Իմ ապագան
Մորս կողմից
Միշտ եղել է
Բարեխոսված,
Մինչև վաղը
Ես չստանամ
Նոր թաշկինակ
Հին արթուկով
Ծրագրավորված…

31.07.11

***
Կարթը ձեռքիս
Ես շտապում եմ
Ձկնորսության
Սովորության
Ընդվզումով
Ամենօրյա...
Ու հասնելով
Գետի ափին
Ունայնության
Ու նետելով
Ձեռքիս կարթը
Երկնքի մեջ
Իմ հարևան,
Ես ձգտում եմ
Ամեն անգամ
Այնտեղ գտնել
Ինչ-որ նոր բան...
Իսկ երբ կարթը
Պինդ կառչում է
Իմ պատկերած
Ամպերի մեջ,
Ուրիշ մեկի
Երազներում
Չտեսնված
ԵՎ իմ կողմից
Չճանաչված,
Պատկերացման
Սահմաններում
Չբանտարկված
Ինչ-որ բանից,
Վստահորեն
Կախ եմ տալիս
Իմ մարմինը
Իմ իսկ կարթից
Ու ճոճվում եմ
Առաջ և ետ,
Մանկությանս
Ճոճանակը
Վերհիշելով...
Երազելով
Հավաքում եմ
Արագություն
Ու շեշտակի
Վայր ընկնում,
Կարթը ձեռքիս,
Հայտնվելով
Գետակի մեջ...
Ամեն անգամ
Միևնույն կերպ...
Ու չգիտեմ,
Թե ինչու եմ
Ես ինքս ինձ
Ձկնորսների
Շարքին դասում...
Ու չգիտեմ,
Ով է ասել,
Որ ես պիտի
Ձուկ որոնեմ
Երկինքներում...
Երեկվա պես,
Կարթը ձեռքիս,
Գնում եմ տուն
ԵՎ ոչ մի որս
Ես չեմ տանում
Ճաշի համար...
Ես երևի
Անհաջողակ
Ձկնորսների
Շարասյունում
Առաջինը պիտի լինեմ
Միշտ կանգնեցված...
Սակայն հոգում
Իմ մանկության
Ընդվզումով
Լիցքավորված,
Ինչպես և միշտ,
Ես շտապում եմ
Ու հավաքում
Արագություն
Ու ...

[Продолжается]