Hoyakap pashton e`mard lineln ashxarhum...
M.Gorki

Դու ուրի՜շ ես...

Ինչպես՝ ուրիշ է միշտ լինում
Առավոտյան,
Երեկոյան
Ու կեսօրին
Մղկտոցը...
Մե'ն մի վերքի:

Ցավը՝ մեկն է,-
Մղկտոցը
Բաժանվել է երանգների...

Դու ուրիշ ես...

Հուշերի մեջ նորի-հնի
Իմ գաղտնիքն ես անմեկնելի,
Դու ուրի՜շ ես
Սեր իմ... վերջին:

Ռ.Խաստյան

Քո խելացի աչքերի
Անհուն, անծիր խորքերում
Այնքան թախիծ կա պահված,
Այնքան կարոտ՝ երազուն:
Քո խելացի աչքերի
Անհատակ խորության մեջ
Կուզենայի ես սուզվել,
Քեզ հասկանալ մինչև վերջ:
Բայց թախծի ու կարոտի,
Զսպված զգացմունքի ներքո,
Ժպիտի տակ քողարկված,
Ինչ-որ բան կա՝ ինձ վանող:

Ու, հարվածից, գլխահակ,
Հեռանում եմ՝ հուսախաբ.
Ուրիշի'նն ես, ուրիշի՜ն...
Ա՜խ, այսքան էլ ծանր ցա՜վ...

Ռ.Խաստյան

Որքան, ա՜խ, գեղեցիկ ես գրում դու,-
Խոսքը քո ամեն՝ մարգարի՜տ, ալմա՜ստ...
Մտքին ինչպե՞ս լինել էլ հաշվետու,
Բառերիդ միջից՝ նուրբ ու սիրառատ:

Տաղանդավոր իմ սրիկա,գրի՜ր,
Բայց ո'չ ինձ համար. կյանքն ապրել եմ իմ...
Բառդ մոգական՝ ուրիշին հղի'ր,
Իսկ այն ինչ հարկ էր ինձ՝ ես հասկացա:

Տաղանդավոր իմ սրիկա, գրի՜ր...
Եվ մեկ ուրիշն ընկնի թող ցանցը քո,
Ես կարդալու եմ քեզ, շարունակի՜ր...
Եվ... աջն եմ քո սեղմում՝ տաղանդավոր...