ԵՍ ՉԳԻՏԵ'Մ...

Ես չգիտե'մ
Ապրածն անձանց,
Երբ լսում են.
«Դու կորած ես…»

Անհնար է
Բայց դիմանալ,
Երբ լսում ես.
«Սիրելիդ դատապարտվա՜ծ է...»

Ռ.Խաստյան

ԵՐԱԶ

Լինել շնչահեղձ կրքաբորբ ու խեղդող շշունջներիդ տակ,
Ծաղկուն քնքշանքիդ բուրմունքից գժվել-խենթանալ,
Ներշնչել ու մեռնել շնչից քո վառող, խելառ, սիրահար,
Երջանիկ Հոգուդ գաղտնի տնքոցով... վերջանալ:

...Ու թռչել, ու թռչել, ու թռչել դեպ հավերժը սկզբի,
Կտրել հորիզոնը, անցնել, գալ ծոցը քո տաք,
Ու արձագանքը լսել խելահեղ, տրոփող քո սրտի,
Երազել, երազել, երազել ու... արթնանալ:

Ռ.Խաստյան

ԶԳՈՒՇԱՑԻ'Ր

"Զգուշացի'ր: Մահացու' է: Սե'ր է:"
Գրեիր, կախեիր պատերից:
Իմ Հոգում արնահոս վերքեր են,
Ցավոտ են ավելի մահվանից...

"Զգուշացի'ր: Մահացու' է: Սե'ր է:"
Ախ, գոռում են աչքերդ հիմա:
Գոռան-չգոռան արդեն մեկ է.
Ուշացան, ուշացան, ուշացա՜ն...

Ռ.Խաստյան

ԷՔՍ
Գավաթս լիքն է պռունկե-պռունկ
Չասված խոսքերով...
Օտարների դեմ ստիպված բացվելուց
Ճռռոցը դռան աշխարհն է պատել...
Ծակվեց երկինքը հայացքից՝ վերև...
Էլ ինչքա՜ն լսեմ չսիրված երգեր...
Քրքի՞ջ է, թե ողբ,- ա'յդ էլ չգիտեմ՝
Մատյանում գրեմ...
Պռունկե-պռունկ գավաթս լիքն է,
Բախտս խմեմ...
Ռ.Խաստյան

ԿՈՇՏ
Հասկացողի'ն եմ ասում,-
Այսինքն՝ քե'զ,-
Ինչքան էլ ցինիկ լինեմ այս կյանքում՝
Գիտակցում եմ ես.
Կան ԱՐԺԵՔՆԵՐ:
Ու դրանք՝
Հավերժ են ավելի
Քան
Որևէ
Նորածին, նորընծա
Միտք երևելի...
Ըստ այդմ՝ հիշի'ր.
Նվաճումը քո... գուցե և դառնամ:
Ավարը՝ երբե'ք:
Ռ.Խաստյան