Հանգիստ, խաղաղ
Բոլոր հայտնաբերված աստղերն
Իրենց համար
Փայլատակում, շողում
Եվ առկայծում էին
Երկնակամարում,
Հիացնում՝ մարդուն...

Մի աստղ էլ կար:
Լրիվ անհայտ:
Ուզում էր նա էլ
Հայտնաբերված լինել
Մյուսների նման:
Մյուսների նման,
Իրեն էլ որոնեն մի օր,
Գտնեն ու հիանան...

Բայց՝ ժամանակն անցնում էր...

Մարդիկ՝
Երազներից,
Երկնքից՝ հոգնած,-
Սսկվել էին:

Կամ՝ պառկած էին,
Աչքերը փակած,
Հուսահատված նաև,
Կամ,
Մի քանիսն էլ՝
Դեռ քայլում էին խավարի միջում միապաղաղ,
Հուսո հայացքն իրենց
Դեմին հառած,
Բայց... ո'չ աստղերին:

Այնժամ,
Անհայտ Աստղիկը մեր
Չդիմացավ:
Թևեր առավ,
Ոգևորվեց,
Թ Ռ Ա՜ Վ...
Ասելով իրեն.
"Եկել է ժամը քո,
Ուրեմն, Օ'ն, առա'ջ:"

Ու...
Ցայգալույսին,
Օրերից մի օր,-
Մարդիկ նկատեցին
Երկնքի վրա...
Խամրած կիսալուսնին...
Որի վրա
Թևերն էր իր փռել
Կապտասպիտակածիրանագույն մի փոքրիկ գիսաստղ...
Հաղթանակի ժպիտը՝ երեսին...

Ռ.Խաստյան

Хороший друг - как ветер.
При несчастье он унесет и горе и беду,
Как листья, что осыпались в ненастье
В осеннем холодеющем саду...
А в радости - он мощный вал,
Стоящий надежно на пути врагов твоих...
Люблю друзей надежных, настоящих!!!!!!!

Գիտեմ, գիտե'մ, սիրելի՜ս,
Գալու է ժամը
Ու ինչ-որ մեկը
Հարվածելու է,
Ըստ որում՝ ուժեղ...

Ես կորչելու եմ,
Փրկելով սերն իմ
Ամենայն աչքից.
Ինչպես դեզի մեջ՝
Ժանգոտ մի ասեղ:

Դու...
Խոստովանահա՞յր ես...
Ուզում...
Ինձ լինել ...
Լացե՞մ: Ծիծաղե՞մ:

Թե՞,
Խոստովանեմ սերն իմ,
Որ մեղքի նման՝
Տարա շալակիս...
Էլի՜ կտանե՜մ:

Գիտեմ,
Գիտե'մ, սիրելի՜ս,
Հանձնվում են
Ուժեղներն անգամ
Դավաճանվելիս:

Բայց կան այնպիսիք,
Որ թուլ չեն տալիս
(ՀԵՆՑ կյանքի' գնով)
Սերը
Խոշտանգել...

Ռ.Խաստյան

Ես սիրում եմ քո մեղավոր աչքերը խոր,
Գիշերի պես խորհրդավոր.
Քո մեղավոր, խորհրդավոր աչքերը մութ,
Որպես թովիչ իրիկնամուտ։
Քո աչքերի անծայր ծովում մեղքն է դողում,
Որպես գարնան մթնշաղում։
Քո աչքերում կա մի քնքուշ բախտի վերհուշ,
Արբեցումի ոսկե մշուշ։
Մոլորվածին անխոս կանչող փարոսի շող,
Քո աչքերը հոգի տանջող։
Ես սիրում եմ գգվող-անգութ աչքերըդ մութ,
Որպես գարնան իրիկնամուտ։