ԱՂՈԹՔ

Օ, Տեր իմ, ներիր հանդուգնիս Դու արդ
Եվ խաղաղությամբ սիրտըս ողողե,
Որ հոգով մաքուր, ուղեղով հանդարտ
Քո արարածը Քեզի աղոթե:
______________

Լույս տուր ինձ, Տեր իմ, գայթակըղման դեմ,
Որ հաղթահարեմ մութն ականակիր,
Որ ճըշմարտության շուքը նըկատեմ
Ու չարբեմ կըրքով կեղծ հաղթանակի:

Հույս տուր ինձ, Աստված, բանտում այս անծայր,
Որ հորիզոնի կանչերը լըսեմ,
Չըպըղծեմ խըղճիս մասնիկները, այլ`
Ոգեշընչվեմ ու կամքիդ ըսպասեմ:

Սեր տուր ինձ, Աստված, որ խըցում մըգլոտ
Գըրկեմ երեկվա թըշնամուս ծեծված,
Ներելով դահճիս` ժըպտամ վեհերոտ
Ու անեծք չասեմ շըրթերով ուռած:

Հավատ տուր ինձ, Տեր, որ չըմոռանամ
Այրող այս տենդի ու ցավի միջին,
Որ Քո’նն եմ ես և Քո’նը կըմընամ,
Դու ես քըննիչն ու պաշտպանն իմ վերջին:

Խի’ղճ տուր ինձ, Աստվա’ծ, որ երբ դեգերեմ`
Բեզարած սիրտըս մըխիթարելու,
Պահեմ լույսն իմ մեջ, հետո` ետ բերեմ,
Չըվատնեմ իզուր` ծարավ մարելու:

Կյա’նք տուր ինձ, Աստվա’ծ, և մի քիչ ուժեր,
Որ գալով դեպի սըրբությունը Քո`
Ինձ սիրողներին թողնեմ վառ հուշեր,
Երբեք ցույց չըտամ ցավերն իմ հոգու:

Շընորհք տուր ինձ, Տեր, որ արժանանամ, ...

[Продолжается]

ՓՈԽՈՒՂՂԱՀԱՅԱՑ ԶՈՒԳԱՀԵՌՈՒԹՅՈՒՆ

Բազմաչարչար իմ հին ազգի վշտերն անհուն,
Որ դարձել են հար մղձավանջ մտքիս արթուն,
Ես կամոքեմ` բյուր գիշերներ լալով անքուն,
Ու... կժպտամ... բայց ո'չ հիմա, ոչ այս կյանքում:

Գոռգոռալիս էլ մահի դեմ - յուր երախում,-
Ես չեմ փոխի անգիր երգերն իմ` անեծքի հետ արնախում
Ու տեղ կտամ այդ սարքողին հոգվույս գրկում,
Կըլնեմ ես վեհ ու մեծհոգի... ո'չ այս կյանքում:

Կհավաքեմ մթնոլորտից հատիկ-հատիկ
Ու կծեփե'մ դարձյալ իմ սիրտը խոլաբար,
Ու կսանձեմ ես իմ մտքերը խելագար,
Էլ չեմ նայի - անհագ - դեպի թշվառ երկինք:

Տրոփյունն ու տիեզերքի շունչն անքնին
Կարհամարհեմ ու չեմ զգա հոգուս խորքում
Ու կնայեմ թշնամաբար արծվի բնին,
Ու... կավերե'մ - կրծքումս քար. - ո'չ այս կյանքում:

Որոտալով ու ապրելով կյանքով կծծի,
Ու մխալով` ես կդառնամ մի օր քրքում,
Մահու որդն իմ կյանքի գիրքը ո'ղջ կկրծի,
Շունչս կտամ, ողջից զազրած, ոչ այս կյանքում:
2008 Москва