ՀԱՆՃԱՐԸ

Որքան Երկինք, այնքան Հող...

***

Մե՛կդ, որքան գեղեցիկ ես բաժանված

Աշխարհի բոլոր արարածների վրա...



Աստված մեկին ստեղծեց, հետո երկրորդին`

Մե՛կ դարձրեց և բազմապատկեց,

Եվ մենք չիմացանք, թե մյուսները նույնն են...

ԱՆՇԱՐԺԸ

Մեկն է և չի բազմապատկվում,

Չի ածանցվում երբեք, չի շատանում թվով՝

Մահացյալն է.



Ենթադրի՛ր Աստծո կողքին…

***

Կյանքը ճար ունի, մահն է, որ անճար է...

***

Մարդ էր մահանում, ես էի` մեկ ուրիշ վայրում...

***

Դուրսը մահացել է, միակ կենդանի բանը ես եմ

Ամայության ներսում:

ՄԱՀՎԱՆ ՊԱՀԵՐ

Ես չգիտեի, որ այսպես է լինում…

ՄԱՀԱՑՅԱԼԸ

- Մոլորվել եմ

ԵՐԿՆԱՅԻՆ ՀԱՆԴԻՊՈՒՄՆԵՐ

Ամենքս մեր չափով տառապեցինք,

Երբ բաժանվեցինք...

ԱՊՐԻ՛Ր

Քանի կաս, ապրի՛ր,

Երբ որ մահանաս, ասա՝ ես չէի, որ մեռա,

Մի՛ ընդունիր մահդ, ապրի՛ր…