***

Կատուն, որը ճկունության գործիք է,

Եվ արծիվը, որը բարձունքներից է աշխարհը տեսնում,

Եվ ծաղիկները, որոնք ցերեկային երկրի զարդարանքներն են...

ԴԵՂՆԱԽՏԱՎՈՐ ԼՈՒՍԻՆ


… Ինչ-որ տեղ, լքված քաղաքների,

Աղքատ հյուղակների և գյուղերի վրա

Միշտ էլ իջնում է դեղնախտավոր լուսինը…

ԱՂՋԱՄՈՒՂՋ

Սիրածս աղջիկը ինձ մոտ գալիս մահացավ…

ՃԱՆԱՊԱՐՀԻՆ

Ճանապարհին ասացին` դժվար է երկրում, խաչելություն է.

Իսկ Նա գալիս էր...

***

Ո՜նց եք անցնում այս ճանապարհը մենակ,

Աստծո հետ հազիվ անցա...

Ամենքս աշխարհի ցրտի մեջ հայտնված ներփակ

ջերմություններ ենք...

Թռչուն եմ` թողնված փոթորիկների մեջ,

Իմ ներսի տաքը պահպանիր...

Անտուն թռչուն եմ.

Թռչում եմ, ո՜ւր...



- Ձեր ճամփան զուր է,-

Ե՜տ, դեպի տուն...

ՇՓՈԹ

- Խելագար չեմ ես, կյանքն է խելագար…

ԿԵՐՊԱՐ

- Աչքե՜րը տեսնեիր, քայլվա՜ծքը,

Բովանդակ կանացիությունը աշխարհի նրա վրա էր...

***

- Անխիղճ գեղեցիկ էր կինը, դժբախտացավ...

- Անխիղճ գեղեցիկ էր կինը` դժբախտացրեց...

ԽԵՆԹԸ

- Մտքի կապերն ու հանգույցները քանդել է մարդը...