Արնոտված անդամ...

Հակատրոփ
Միատարր է
Ինձ դարձրել
Ուսիս իջած
Առաքյալը,
Վիրակապված
Իմ անցյալը
10х15
Չափերի մեջ
Տեղավորված
Պատկերներով,
Պատմությունից
Վեր համբառնած
Սուրբ նկարը,
Ծրագրավորված
Միշտ միատարր
Մարդու կողմից…
Բացառապես,
Երբևիցե,
Միշտ կրկնվող
Վեհափառը
Ինձ արտաքսեց
Իմ իսկ ուսից,
Բաժանելով
Առաքյալից…
Ինձ արտասվեց
Իմ անցյալը…
Ինձ ծիծաղաց
նաև նա լուռ,
Երևի, թե
Հենց ինձ վրա…
Վերադարձված
Երեկվանը,
Նախանցյալս
Ու ապագան
Վերադասվեցին
Բանալու անցքից
Պատահական
Հերթականութկամբ…
Նույնը թվացին…
Ապացույցն անգամ,
Արնոտված անդամ,
Իմ մեջ չլցվեց
Առանց երակի
Ավելորթ անգամ…
Էլ ինչի՞ պիտի
Արտասուք գթամ,
Էլ ինչի՞ պիտի
Ծնեմ երազանք…
Սև…
Նունիսկ սպիտակ…
Երեկ,
Ես մենակ,
Առանց նպատակ,
Հակատրոփ քայլեր
Փորձեցի լսել
Կտավի վրա…
Ու ամենը
Իմ
Խառնվեց իրար…
Երեկ,
Ես հիմար,
Սերուցքը ստացա
Խառնիճաղանչի
10х15
Մակերեսային
Պատկերի վրա…
Մեր միջին ասած,
Վեհափառը լոկ,
Ամենը արժեր
Միատարրի մեջ,
Ամենի չարժեր…
Հակատրոփված
Չեմ ուզում լինել
Վաղվա օրվանից…
Հակառակ դեպքում,
Էլ չեմ պատկերվի,
Վերին հատվածում
Անտոմս ուղեգրի…
Ու թող վաղվանից,
Փոթորիկները
Գրավեն հոգիս
Ու թող, որ խառնեն
Վերքս երազիս,
Միայն, թե
Սերուցք
Ես էլ չստանամ,
Վերին ատյանի,
Դատախազներից…

06.02.2013