Առավոտվա ղողանջները
Հատիկ հատիկ
Խմորելով
Պատուհանից,
Ես գտնում եմ
Երազները,
Որ թափում են
Անհայտ մարդիք,
Բամբակի պես,
Վերևից...
Ու թափելով
Ճմռթոտված
Բարձիս միջից,
Երազներս,
Չորրորդ հարկից,
Ես հիացած
Բաժանվում եմ,
Նրանց նման,
Ղողանջի հետ,
Անհայտ մարդկանց,
Վերևից...

2.07.11

***
Իմ միապաղաղ
Թռիչքի պահին,
Ես ցանկանում եմ
Գտնել իմ հոգին,
Ես վերապրում եմ
Հիշողությունս,
Անգամ, երբ մարմնով
Ձգվում եմ երկնին...
Ու եզրագծին,
Այնտեղ, վերևում,
Որտեղ խենթացած
Ամպերն են խաղում,
Մերթ վերածվելով
Սպիտակ սկյուռների,
Մերթ ձևափոխվող
Նապաստակների,
Իմ ամենօրյա
Թռիչքով լցված,
Ամպիկներն
Քաղցր բամբակի նման,
Ափիս մեջ սեղմվում,
Դառնում են քաղաք,
Դառնում են մարդիք
Ու քյաչալ շներ...
Իմ միապաղաղ
Թռիչքի պահին,
Ես որոնում եմ
Մեր բակը վերից,
Թեկուզ եթերից
Ու օդից ստեղծված...

1.07.11

Այսօր փողոցում
Ես նկատեցի,
Թե ինչպես հանեց
Ծերուկը վսեմ
Կաշվե, հնամաշ
Դրամապանակի
Անկյունում պահված
Թռչունը թղթե
Ու ինչպես գցեց,
Մկանոտ ձեռքով,
Փափուկ աղավնին
Երկինքը դեպի...
Առաջին պահին
Ես չհասկացա,
Թե ինչ էր անում
Մանկության բակում
Ընկերոջ բռնած
Սպիտակ աղավնին
Նրա գրպանում...
Հետո բացատրեց,
Որ արդեն վաղուց
Նա չի տրորվել
Փողոցից փողոց,
Որ չի վերապրել
Բնության գրկում
Դեռ չվերջացած
Էտյուդից փչող
Յուղի ու ներկի
Հոտը ապշեցնող...
Որ ընկերը իր
Նույնպես թռչել է
Երկինքը դեպի,
Առանց նամակի,
Բումերանգի պես,
Սակայն փչացած,
Առանց վերադարձ...
Որ այդ օրվանից,
Նա չի կամենում
Կտավին նաել,
Որ վախենում է,
Հաելու նման,
Այնտեղ կրկնվել...
Չգիտեմ ինչը
Ինձ ստիպեց գտնել
Դեղնած թռչունը
Թփերի տակից...
Երբ ետ բերեցի,
Նա վիրավորվեց,
Ասելով, որ ես
Ընկերը չեմ իր...

29.06.11

***
Հիշում եմ տատիս
Մատնոցները հին,
Որոնք նա երբեք
Չեր օգտագործում
Կարելու պահին...
Հիշում եմ նրա
Մատները թավշյա,
Արդեն հաստլիկ,
Չորացած ու կոշտ...
Հիշում եմ, թե նա,
Սեզոնից սեզոն,
Ոնց էր բլանդում
Ծածկոցներն բրդյա,
Մորս ասելով,
Թե այ աղջիկ ջան,
Գնա հաց սարքի,
Մարդդ պիտի գա...
Ու թե ոնց փակվեց
Կողպեքը մեր տան...
Ու թե ոնց ստացվեց,
Որ տատս մնաց
Առանց մատնոցի...
Հիշում եմ նաև,
Թե մայրս ինչպես
Հեռավոր զանգից
Մեկնդմիշտ մնաց
Առանց ծնողի...
Հիմա երևի,
Կողպեքից այն կողմ
Մատնոցից բացի
Ուրիշ բան չկա
Ու երևի թե
Տատս լավ գիտեր,
Թե ինչի համար,
Երբեք չեր ուզում
Մատնոցով կարել
Ծածկոցներն բրդյա...

29.06.11

***
Ես ուզում եմ,
Որ լուսինը
Ներս թափանցվի
Վարագույրից,
Նստի կողքիս,
Խոսի ինձ հետ
Երազներից,
Որ պատմում են
Նրան բոլոր
Պատանինրն
Սիրահարված...
Որ նա կիսվի
Իր տեսածով,
Իր կրկնվող,
Իր հետ խոսող
Խենթուկների
Հայացքներով,
Որ չպայթի...
Ես ուզում եմ
Նրան օգնել
Տարանջատվել
Այս ամենից...
Նա հոգնել է
Երազներից...

28.06.11