Պայքա՞ր սիրո համար: - Ես չե'մ կարող:
Այս եռանկյան միջից՝ կհեռանամ լոկ ես:
Կհեռանամ հանգիստ, և ո'չ թե դողեդող,
Ձեր երկուսի համար աղոթք մրմնջալով:

Ո'չ, դավաճան լինել սիրուն ես չե'մ կարող,
Եվ ո'չ էլ կներե՜մ ինձ, թե մնամ,
Քեզ կպահեմ՝ մորմո'ք, - կանթեղ վառվող,
Այդ ստորացնող սիրուց՝ ինձ հիշատակ:

Սառույց են դառնալու դրսի ջրերը,
Ցոլքն արշալույսի՝ շրջանագիծ,
Արևը թաքցնելու է իր շողերը,
Բանտարկվելու են լռությամբ
Երգի ու ծիծաղի ձայները,
Չեմ լինելու մի օր...

Այսօ'ր ժպտացեք ինձ:

Դու,
Միայն դու
Կարողացար
Ուժգնացնել իմ
Սրտի բաբախյունը...

Դու,
Միայն դու
Կարողացար
Մտնել իմ հոգու
Հեռավոր անկյունը...

Դու,
Միայն դու
Աչքերին իմ տվիր
Ծիածանի բոլոր
Երանգները...

Դու,
Միայն դու
Երերուն դարձրեցիր
Հաստատուն իմ
Քայլերը...

Միայն քեզանով
Հասկացա
Ի՞նչ ցավ ու
Բերկրանք է
Այս ս ե ր ը...

Ռ.Խաստյան

ՍԵՐ ՉԴԱՐՁԱՐ
Ո'չ, դու սեր չդարձա'ր իմ կյանքում,
Լոկ ներշնչանքիս աղբյուրը եղար,
Չիմացա'ր երբեք՝ ի՞նչ կար իմ սրտում,
Իսկ մտածելու՝ ժամանակ չկար...

Իհարկե՝ ափսո՜ս, իհարկե՝ ավաղ,
Շատ բան պակասեց քեզանից հետո,
Հիմա իմ կյանքը՝ սին, միապաղաղ,
Գեղեցիկ... անցած հուշերի ներքո...

Այո', դու սերն իմ երբեք չդարձար,
Բայց չէ՞ որ կայի՜ր իմ անշուք կյանքում,
Իսկ ներշնչանքս՝ քեզնից հագեցավ...
(Միայն թե ափսո՜ս, շա՜տ եմ կարոտում:)
Ռ.Խաստյան

Ես քեզ ի՜նչ ասեմ

Ա՜խ, քեզ ի՞նչ ասեմ:
Ալեհեր գլխիս
Կուտակված ա՞մպը
Քեզ նկարագրեմ:
Կամ, շրջանի մեջ
Ինձ ողջակիզող
Կրակի մասի՞ն
Ես քեզ հետ խոսեմ:
Կամ, պատմեմ
Անգույն աչքերի՞ս մասին...
Որոնք փայլեցին
Այն վերջի՜ն անգամ,
Երբ թվում էր, թե
Իմ կողքի՜ն ես դու,
Ինձ հետ՝ միասի՜ն...

Լավ է, սիրելի'ս,
Քեզ՝ ոչի՜նչ չասեմ:
Այդպե'ս էլ կարծիր,
Ինչպե'ս՝ մինչ հիմա.-
"Հպարտ ու հանդուգն
Այդ գեղեցկուհին
Դարդ չի' ունենա:
Էլ ո՞վ պիտի որ
Երջանի՜կ լինի,
Եթե որ՝ ո'չ նա..."

Այդպե'ս էլ կարծի՜ր,
Էլ քեզ ի՜նչ ասեմ...

Խաստ