Գիտե՞ս,
Բառերն իմ անդամալույծ դարձան:
Վայր ընկան ու կոտրվեցին,
Երբ դեպի քեզ նրանց մի օր
Սիրով զինած՝ ուղարկեցի...

Ու երբ նրանք
Հանդիմանանքին հայացքիդ հանդիպեցին՝
Չդիմացա՜ն, ընկրկեցի'ն:
Միանգամի'ց, կաթվածահար եղան կարծես,
Անսեր: Ասել է թե՝ անթթվածի՜ն...

Ռ.Խաստյան

Ահա,
Կրկին եկավ,
Բացվեց մի օր:
Ստիպեց ապրել ինձ՝
Հուշերով...

Ռ,Խաստյան

ԹԱԽԻԾ

Անկում ապրած օրեր կորած,
Մեկը մեկի ետևից,
Անցավ կյանքն այս անհետադարձ,
Ցավն էլ պահեմ աշխարհից:
Ա՜խ, կորոստնե'ր, օր-կորուստնե՜ր,
Միահավաք բառում՝"կյանք",
Կարկամել են երազներն իմ,
Իղձերն իմ էլ ի՞նչ հուսան...

Ռ.Խաստյան

Գերությունից փրկվել՝
Ազատություն
Դեռ չէ':

Փախչել կարող ես
Հետապնդումից,
Ինչպե՞ս քեզնի՜ց փախչես:

Հեշտությամբ կնկնե'ս
Ա՜յլ կերպարով
Գերությունից գերություն,-

Կապանքները զգացողին՝
Միշտ էլ՝
Իշխանությու'նն է գերելու:

Ռ.Խաստյան

Ես ասում եմ, - չե'ն հավատու՜մ,
Ախ, շա՜տ ափսոս:
Ես զգում եմ, - չե'ն նկատու՜մ,
Հայացքներով՝ պարսավակում,
Անբառ, անխոս...

Քմծիծաղում,
Խնդում՝ թաքուն կամ բացեբաց
Իմ մանկացած մտքի դիմաց:

Մինչդեռ՝
Մինչդեռ
Ես ո'չ մի բան չե'մ հորինում:

Միթե՞,
Միթե՞ մեղավոր եմ,
Որ Էկրանից այնկողմ եղած
Մանուշակի բույրն եմ զգում...

Ես ասում եմ, - չե'ն հավատում...
Ես զգում եմ, - չե'ն նկատում...

Ռ.Խաստյան